Face.ge is a social network offering you an opportunity tocommunicate with your friends, meet new people and find out what otherpeople think about you. For using the site log in or register!
EmPtIneSs blog

მე და ჩემი შემოდგომა...

გარეთ ფეხით მოსეირნე შემოდგომამ,
ჩემს ფანჯრებთან ხეტიალი დაიჟინა,
ქარმა კარში ის ფოთლები შემოლალა,
განწყობად რომ გადავფერთხე აივნიდან.

ფარდებს მიღმა სურნელი დგას ახლა ყავის
და თხელ თითებს ცხელ ფინჯანზე უხმოდ ვითბობ,
ვგრძნობ სიმშვიდე არ სჭირდება აღარავის,
ის დრო არის ოქტომბერს რომ ვუმაისო.

ხვალე მაინც უსათუოდ გაწვიმდება,
მაუწყეა ცა, აშლილი ღრუბლებიდან
და სხეულიც მასთან ცეკვით დაიღლება,
მზე გამოხსნეს თითქოს მწველი უღელიდან.

რახანია შეეპარა ქუჩებს სუსხი,
მიწას ათოვს ყვითელ თვეთა სამაია,
ხასიათში შემოპარვას უხმოდ ვუცდი,
ის კი თურმე აქ ყოფილა რახანია.

სექტემბერმა როგორც მუნჯმა ეშელონმა.
სულში გზები უკითხავად შემოღობა,
შენს მოსვლამდე დავიზამთროთ შესაძლოა,
ხეტიალით, მე და ჩემმა შემოდგომამ.

Tags:

 
Interesting
positive votes: 1  |  negative votes: 0

Write comment:

შენს მოსვლამდე დავიზამთროთ შესაძლოა,
ხეტიალით, მე და ჩემმა შემოდგომამ.
#1, 28.09.2011 - 00:42
 

© 2017 Face.ge - all rights reserved.