Face.ge is a social network offering you an opportunity tocommunicate with your friends, meet new people and find out what otherpeople think about you. For using the site log in or register!
BASTI2 blog

ნუთუ ყველაფერი მთავრდება

ფიქრი ფიქრად დარჩეს…
ვეღარ გადამარჩენს.
მორჩა ნაფიქრალი თავნება.
წლები დავითვალე..
ნუთუ დავიღალე..
ნუთუ ყველაფერი მთავრდება..რჩება სინანული..
სულში მიმალული..
წლები ნეტა საით წამიყვანს..
ცრემლი დავატანო
და ქარს გავატანო?..
არა, დავიწყება არ მიყვარს..
მე სულ აქ ვიქნები..
ლექსში ავინთები..
ლექსად მოვალ როცა მინატრებ..
მე ხომ ის ვიყავი
ცა რომ გაგიყავი..
ახლა დარჩენილსაც გინათებ..
წლები გამეცალა..
ფიქრი არ მაცალა..
მიდის და წამებსაც არ მარჩენს.
მაინც აქ დავრჩები,
ლექსში გადავრჩები..
ლექსად მოგიყვები დანარჩენს

Tags:

 
Interesting
positive votes: 2  |  negative votes: 0

Write comment:

ninulita (35)
მაინც აქ დავრჩები,
ლექსში გადავრჩები..
#2, 03.10.2011 - 23:54
gu-ra-mi (31)
მახსოვს, აგვისტო იდგა და
ატმები დახლეჩილები
რომ ივსებოდნენ, მკერდიდან
მიჯრით სწყდებოდათ ღილები.
თვალის შევლებით წაჰგვარე
კდემის ყვავილებს კვართი და
მცვივოდნენ, უდღეურები
როგორც პეპლები კალთიდან.
თვრებოდი, ატმის ნექტარით
გეწუწებოდა ხელები,
და კრეფდი, კრეფდი და კრეფდი
ჩემს ატმებს შენ გახელებით.
დააგელვებდი ბედაურს,
უხედნავსა და უბელოს,
მე მისი ნესტოებიდან
გამონაბოლქვი ღრუბელი
მქონდა აფრებად, არ მსურდა
მეპოვნა ნავსაყუდელი...
შენ ჩემი ზეცა იყავი,
მე-შენი ოთხი კედელი.
შენი თვალების მზისგულზე
ვირუჯებოდი თავნება,
ბოლოს ჩემს ჯვრადაც გიგულე,
ჯვარსმიმსჭვალული ვევნე და
მტოვებდა სული, მტოვებდა
მე ევფონიურ ხმოვნებად,
ვკვდებოდი, უზიარებლად-
ცხონება, ვნება, ცხონება...
დღეს დაცხრნენ აგვისტოები,
ატმის ხეს დამზრალ რტოებზე
ჭირხლი ცრემლივით მოება,
სეზონი დგას მყუდროების,
და ჰოი, ამაოებავ!-
ხანაა განმარტოების...
#1, 02.10.2011 - 20:34
:))) lamazi leqsia...:)
03.10.2011 - 23:13
 

© 2017 Face.ge - all rights reserved.