Face.ge is a social network offering you an opportunity tocommunicate with your friends, meet new people and find out what otherpeople think about you. For using the site log in or register!
nuca123 blog

ჩემს სულში შემოჭრილი სითბო…

რამდენ რამეს გრძნობს ეს პატარა გული, იცი? თითქოს ყოველი ფეთქვა რაღაცას ნიშნავს.თითქოს ყოველი ამოსუნთქვა კიდევ ერთი ახალი დღის გათენების საწინდარია. სულში საოცრად თბილა. გულიდან ამოსული ემოციების რაოდენობა მაქსიმალურზე მეტია. სიტყვები ზედმეტია, ამიტომ დუმილთან დამეგობრებას ვცდილობ… ჩემთან ხარ, ვიცი ჩემთან ხარ. გულმა გიპოვა, აღმოგაჩინა ახლიდან. სულმა ჩაიხუტა შენგან გამოგზავნილი საოცარი სითბო. ასეთ ბედნიერებას გგონია რამეზე გავცვლი? არაფერს ვიტყვი, უბრალოდ გავიღიმებ…ვიცი მხედავ, მხედავ და შენც მიღიმი. სულ მარიგებ, ჩემს გონებაში შემოდიხარ, აზრებს და გადაწყვეტილებებს მიწერ. მე კი ვასრულებ მათ. მერე ისევ ვიღიმი…ვიცი მხედავ და შენც მიღიმი. სულ ვცდილობ არაფერი გავაკეთო ისეთი, რომ გული გატკინო. მერე ხომ საკუთარი თავი შემზიზღდება, შენ რომ იმედი გაგიცრუო. ასეთი სიხარულის მონიჭებისთვის მადლობას ვერ გადაგიხდი. მადლობა იმასთან ზღვაში წვეთია, რასაც მე ვგრძნობ. უბრალოდ ისევ დუმილთან დამეგობრებას ვამჯობინებ. გთხოვ, ძალიან გთხოვ, დარჩი ჩემთან და არასოდეს ჩამიქრო სულში ანთებული შენი წმინდა სანთელი…

Tags:

 
Interesting
positive votes: 6  |  negative votes: 0

Write comment:

irmuska (39)
პატარა გული, იცი? თითქოს ყოველი ფეთქვა რაღაცას ნიშნავს.თითქოს ყოველი ამოსუნთქვა კიდევ ერთი ახალი დღის გათენების საწინდარია. სულში საოცრად თბილა.
#1, 11.10.2011 - 21:38
 

User
offline nuca123 (21)
საქართველო, საქართველო, თბილისი



Blogs: tags
© 2017 Face.ge - all rights reserved.