Face.ge is a social network offering you an opportunity tocommunicate with your friends, meet new people and find out what otherpeople think about you. For using the site log in or register!
iceheart blog

და ეს გზა როდისმე, ორივეს მიგვიყვანს ღმერთამდე...

გარეთ წვიმს, ეს წვიმა ერთმანეთს სივრცეში გვაერთებს,
წვეთივით ორთქლდება, შეგრძნება ორიდან ერთამდე.
მე შენი სათქმელი უბრალო, სტროფებად გავრითმე
და ეს გზა როდისმე, ორივეს მიგვიყვანს ღმერთამდე...

მე მარტო არა ვარ, თუ ვიცი, რომ სადღაც შენა ხარ,
მაშინაც არ მტოვებ, უჩემოდ, როდესაც მიდიხარ...
ხომ ხედავ, კარგია წვიმების უღრუბლოდ შენახვა,
ხანდახან მბეზრდები და ისევ, საშინლად მინდიხარ...

რაინდი, არა ხარ და მაინც მოჰგავხარ ლამანჩელს...
დაგღალა, ცხოვრებამ, ქარის წისქვილებთან ბრძოლაში,
შენ ახლა ან მომკლავ ან სულაც უბრალოდ დამარჩენ,
დამტოვებ გახვეულს გრძნობების საოცარ ოლარში...

მე შენი სათქმელი, სიტყვები, ლექსებად გავრითმე.
ხანდახან მინდება წვიმების უღრუბლოდ შენახვა..
გარეთ წვიმს, ეს წვიმა, ერთმანეთს სივრცეში გვაერთებს,
მე ვწერ და... ლექსების, "მუზა და ავტორი" შენა ხარ....

Tags:

 
Interesting
positive votes: 0  |  negative votes: 0

Write comment:

 

© 2017 Face.ge - all rights reserved.