Face.ge is a social network offering you an opportunity tocommunicate with your friends, meet new people and find out what otherpeople think about you. For using the site log in or register!
qeit10 blog

ნეტავ აქ იყო. . .

ნეტავ აქ იყო. . .


ნეტავ აქ იყო, – მარტის თვეში ნახავდი მუცოს,

პოეტი სალამს მოგიძღვნიდა, – გულანთებული,

თავს დაგიხრიდნენ ქარაფები ლამაზს და უცნობს,

მხრებს შეარხევდა თორღვას ციხე – გაღმერთებული.



ნეტავ აქ იყო, _ იის მოსვლას ვუდარაჯებდი,

დავთვლიდი დღეებს თბილს, უსაზღვროს და უთარიღოს,

მიწას გავხლეჩდი ანთებული მზერით – ხანჯლებით,

აჩქარდებოდა გაზაფხულიც, შენ რომ აქ იყო.



ნეტავ აქ იყო, – დღეს ეს არის ჩემთვის მთავარი

და რომ იცოდე, ამ გულს როგორ გაახარებდი. . .

ენძელასავით გატარებდი ხელში აყვანილს

ასე, სათუთად მთებს და ველებს დაგატარებდი.



ნეტავ აქ იყო, – ენძელებით დაგამშვენებდი,

კრძალივით გესროდი მარტის თოვლის ცრემლიან გუნდას

ტრფობით დაქანცულს შურთხის ხმაზე დაგაძინებდი

ვუდარაჯებდი ყაჩაღივით შენს ცბიერ სუნთქვას.



დაბინდდებოდა და მოგხვევდა მთვარე შავ მკლავებს

ნიავი წყურვილს მოიკლავდა ბაგით მალ – მალე,

თავს მოიკლავდა ქარაფებში, შურით ვარსკვლავი,

მთვარე ალერსით დაგაფენდა ოქროს დალალებს.



ვეღარ გავძლებდი და ტუჩებზე დაგაკვდებოდი,

გაიღვიძებდი გულუბრყვილო თვალთა ციმციმით,

- შემაშინეო, – სასაცილოდ ატირდებოდი

და შენს ცრემლებზე მოკვდებოდა მთვარე სიცილით

გელა დაიაური

Tags:

 
Interesting
positive votes: 5  |  negative votes: 0

Write comment:

tebroi (52)
ნეტავ აქ იყო, – ენძელებით დაგამშვენებდი,

კრძალივით გესროდი მარტის თოვლის ცრემლიან გუნდას

#1, 20.10.2011 - 18:46
ტრფობით დაქანცულს შურთხის ხმაზე დაგაძინებდი

ვუდარაჯებდი ყაჩაღივით შენს ცბიერ სუნთქვას.
21.10.2011 - 08:48
 

© 2017 Face.ge - all rights reserved.