Face.ge is a social network offering you an opportunity tocommunicate with your friends, meet new people and find out what otherpeople think about you. For using the site log in or register!
vake777 blog

მე ჩავიკარგე დროის მკლავებში...

მე ჩავიკარგე დროის მკლავებში, წამი უაზრო ნაბიჯებს დგამდა, გზა მიდიოდა უცხო მხარეში, გულს აუხდენელ ოცნების სწამდა. გზადაგზა ფიქრი იხლართებოდა, გადავუხსენი საკინძე მიწას, ბევრჯერ იმედიც ისახებოდა, ბევრჯერაც ავცდი სასურველ მიზანს. დავუახლოვდი ზოგჯერ სიგიჟეს, ნისლად ვედინე მწვერვალებს მთისას, ვერ ვერეოდი დროის სიმკვირცხლეს, ვგავდი ღამეში გაბნეულ სიზმარს. ჩემმა ლექსებმა ცის კიდე დაწვეს და მარტოსული ვმღეროდი ჩემთვის, დროის ხარებმა დღეები დახნეს, მე კი ჩემს აზრებს ყინულზე ვთესდი. მერე სამყაროც იქცა სიჩუმედ, თმებში ჭაღარაც შემომელია, დამიმარტოვა ფიქრთა სიუხვემ, ზოგჯერ სიტყვებიც შემომელია. მე ჩავიკარგე დროის მკლავებში, წამი უაზრო ნაბიჯებს დგამდა, გზა მიდიოდა უცხო მხარეში, გულს აუხდენელ ოცნების სწამდა.

Tags:

 
Interesting
positive votes: 4  |  negative votes: 0

Write comment:

 

User
offline
offline vake777
საქართველო, საქართველო, თბილისი



Blogs: tags
© 2018 Face.ge - all rights reserved.