Face.ge is a social network offering you an opportunity tocommunicate with your friends, meet new people and find out what otherpeople think about you. For using the site log in or register!
landushki blog

ცა როცა მემღვრევა შავ ზღვასავით

ცა როცა მემღვრევა შავ ზღვასავით

და როცა მეწყება განსაცდელი,

როდესაც შენს გარდა აღარსაით,

არასგზით აღარ მაქვს გასაქცევი.

ტკივილი ცოტათი დამიამე.

შენს ჭერად მიიღე ჩემი ჭერი,

ძარღვებში სისხლივით დამიარე,

თვალებში შუქივით შეიჭერი.

შემივსე საგულე ცარიელი

და,ნიშნად ხელახლა დაბადების,

სიმხნევე მაღირსე წამიერი,

არა გთხოვ სიწმინდეს სამარემდის.

არა გთხოვ მეუღლის ერთგულებას,

ირწმუნე სათქმელი განდობილი,

მაღირსებ ოცნების შესრულებას?

ცოტასიც დავრჩები მადლობელი.

ჰო,მაგრამ მარტოდენ ბოდვებია

ჩემს შუბლში ძაფებად დაქსაქსული,

სხეულზე ცეცხლივით მომდებია

სიცოცხლის უშენოდ დასასრული.

და იწვის ბუხარში წუხანდელი

წერილი,კუნძივით მობრიალე,

სტრიქონებს ედება ჟრუანტელი:

მარტო ვარ,მომხედე, მომიარე!

ლურჯ კვამლად იერთებს სკვამური

ლიცლიცა ღამეებს,საღამოებს

და როგორც ვეება სალამური,

ოთახში აკვნესებს სალამურებს.

ქარს მიაქვს ნაშთივით მქარე ბოლი

და შენსკენ გადმოაქვს დაქსაქსული,

ვით გულის ჯიბიდან ვალიდოლი,

აბებად გულისკენ გადასული.

თავზე ცა მემღვრევა შავ ზღვასავით,

მეწყება უწყალო განსაცდელი,

გამიგე,შენს გარდა აღარსაით

არ მქონდა,არცა მაქვს გასაქცევი.

ტკივილი ცოტა ხნით დამიყუჩე,

შენს ჭერად მიიღე ჩემი ჭერი,

ხომ ხედავ,კუნძივით გავირუჯე,

ჰაერში კვამლივით შევიჭერი.

ო.ჭელიძე


Tags:

 
Interesting
positive votes: 2  |  negative votes: 0

Write comment:

kessaria (38)
mikvars es leqsi.....ცა როცა მემღვრევა შავ ზღვასავით

და როცა მეწყება განსაცდელი,

როდესაც შენს გარდა აღარსაით,

არასგზით აღარ მაქვს გასაქცევი.
#1, 16.08.2012 - 02:55
mec dzalian dzalian miyvars
16.08.2012 - 03:01
 

User
offline
offline landushki (24)
საქართველო, საქართველო, თბილისი



Blogs: tags
© 2018 Face.ge - all rights reserved.