Face.ge is a social network offering you an opportunity tocommunicate with your friends, meet new people and find out what otherpeople think about you. For using the site log in or register!
david23 blog

თოვს...

რა გაათბობს ცარიელ ოთახს.

თოვლს არ აქვს შენი თითების გემო.

და ხდება ხოლმე, ცივდება დროთა
განმავლობაში გრძნობები, ჩემო.

უხასიათოდ თოვს მთელი ღამე,
სულერთი არის, ისე თოვს, დუნედ.
თოვლს არ აქვს შენი სხეულის სუნი.
თოვლს არ აქვს შენი მუხლები, მხრები.
რა ვქნა, მე ამ თოვლს ვერაფერს ვუგებ.
არ მინდა თოვდეს. არ მინდა ხლება
ხელის. მე შენი შიშველი ზურგი
მახსოვს და როგორ ვიყავით ერთად
და მერე, მერე... მიხვდები, ვბოდავ...

დგას ამ თოვაში შემკრთალი ღმერთი
და ვეუბნები თვალებით - მოდი.

და რაც არ უნდა ითოვოს, დიდხანს,
თოვლი თოვლია და მაინც დნება
ოდესმე. ღმერთიც თავისთან მიჰყავს
სხვას. მე კი, შენი გაშლილი თმები
სულ თვალწინ მიდგას.

მე გავძლებ ცოტას,
სულ ცოტას კიდევ, სულ ცოტას, ჩემო...

თოვს…

რა გაათბობს ცარიელ ოთახს.

თოვლს არ აქვს შენი თითების გემო.

Tags:

 
Interesting
positive votes: 0  |  negative votes: 0

Write comment:

 

User
offline
offline david23 (30)
საქართველო, მცხეთა-მთიანეთი, მცხეთა



Blogs: tags
© 2018 Face.ge - all rights reserved.