უსაფრთხოება ინტერნეტში

მშობლებს

საერთოდ ინტერნეტი ძალიან მაგარი რამეა. დღეს ინტერნეტში შეიძლება საერთო ინტერესების მქონე მეგობრების პოვნა, ბევრი სხვა საინტერესო ხალხის გაცნობა. თუმცა ინტერნეტში ასევე ბევრი არასასიამოვნო რამ იმალება. თქვენი შვილი ინტერნეტში არც ნარკოტიკს გაყიდის, არც მანქანებს მოიპარავს, მაგრამ ყურადღება მიაქციეთ მის ინტერესთა სფეროს - ბავშვის დაცვა მშობლების უპირველესი ამოცანაა.

სერიოზული პრობლემის შემთხვევაში, გთხოვთ მიმართოთ პოლიციას. მაგალითად, იმ შემთხვევაში თუ:
ბავშვზე ხორციელდება თვალ-თვალი ან ნებისმიერი სახის ძალადობა.

თუ გაინტერესებთ, რას წარმოადგენს face.ge, მაშინ თქვენც შექმენით ანგარიში, და დაამატეთ თქვენი შვილი თქვენი მეგობრების სიაში. შეიხედეთ მის პროფილში - რა ინფორმაცია აქვს თქვენს შვილს ნაჩვენები, რა აქვს დამალული. თუ იქ რაიმე არ მოგეწონებათ, შეეცადეთ აუხსნათ და დაელაპარაკოთ მას ამის შესახებ. ნუ უბრძანებთ და ნურც აუკრძალავთ - ის ხომ უბრალოდ წავა და ახალი სახელით ახალ პროფილს შექმნის.
ყოველთვის თხოვეთ თქვენს შვილს მოგიყვეთ უცნაური ან საეჭვო ფაქტები. რა უნდა ვქნათ პრობლემის წარმოქმნის შემთხვევაში?

ბავშვებს

დაიმახსოვრე, რომ ინფორმაცია, რომელსაც შენ აქვეყნებ, ხელმისაწვდომია სხვებისთვისაც. პრონციპში ამაში ცუდი არაფერია, მაგრამ არ ღირს იმ ინფორმაციის გამოქვეყნება რომელიც არ გსურს, რომ ნახონ სხვებმა!
არ გამოაქვეყნო შენი ტელეფონი და მისამართი.
არ დააჭირო უცნაურ ლინკებს.
გამოიყენე რთული პაროლი.
იმ შემთხვევაში თუ გაგიტეხეს ექაუნთი, მიმართეთ დახმარების სამსახურს. ასევე შეგიძლია განცხადებით მიმართო პოლიციას.
არ გააგზავნო პირამიდული წერილები! ე.წ. სპამი. ეს ისჯება ექაუნთის დაბლოკვით.
დაიმახსოვრე, რომ ყველა ადამიანს რომელთანაც შენ ურთიერთობ შესაძლოა არ ჰქონდეს კარგი განზრახვა. დაბლოკე არასასურველი მომხმარებელი.
არ შეხვდე ინტერნეტით გაცნობილ ადამიანებს, მაგრამ თუ მაინც გადაწყვეტ შეხვედრას, შეატყობინე ამის შესახებ მშობლებს. თუ ეს ვერსია არ გაწყობს, შეგიძლია ამის შესახებ მეგობრებს უთხრა. პირველ შეხვედრაზე აუცილებლად გაიყოლე ვინმე (სასურველია უფროსი). შეხვდით ხალხმრავალ ადგილას - სავაჭრო ცენტრებთან, პოპულარულ კაფეში და ა.შ. შეძლებისდაგვარად გაარკვიე ვისთან გაქვს საქმე, გაიგე გყავთ თუ არა საერთო ნაცნობები.
გახსოვდეს - ადამიანებს ყოველთვის არა აქვთ ისეთი კარგი განზრახვები როგორიც შენ წარმოგიდგენია.

NB! თუ გადააწყდი რამე პრობლემას, მოუყევი მშობლებს. ასევე შეინახე მტკიცებულებები (წერილები, საუბრები MSN-ში და ა.შ.) და საჭიროების შემთხვევაში მიმართეთ პოლიციას.

...